ໜ່ວຍພັກອະນາໄມແລະສົ່ງເສີມສຸຂະພາບ ຈັດກອງປະຊຸມກວດກາ – ປະເມີນຜົນ ໜ່ວຍພັກປອດໃສ, ເຂັ້ມແຂງ ໜັກແໜ້ນ
ໜ່ວຍພັກອະນາໄມແລະສົ່“ເສີມສຸຂະພາບຂຶ້ນກັບ ຄະນະພັກຮາກຖານພະແນກສາທາລະນະສຸກ ແຂວງຈຳປາສັກ ຈັດກອງປະຊຸມກວດກາ – ປະເມີນຜົນໜ່ວຍພັກປອດໃສ, ເຂັ້ມແຂງ ໜັກແໜ້ນ ປະຈໍາປີ 2023. ກອງປະຊຸມຈັດຂຶ້ນຢູ່ຫ້ອງປະຊຸມຂອງພະ ແນກສາທາລະນະສຸກແຂວງ ໃນຕອນ ບ່າຍວັນທີ 8 ທັນວາ 2023 ໂດຍການເຂົ້າຮ່ວມຂອງ ສະຫາຍ ດຣ ວຽງສີ ສຸພັກດີ ກຳມະການພັກແຂວງ ເລຂາຄະນະພັກຮາກຖານ ຫົວໜັາພະແນກສາທາລະນະສຸກ ແຂວງ , ສະຫາຍ ສີບຸນຍັງ ຊາທອງຍົດ ຫົວໜ້າຂະແໜງກວດກາພັກ,ຄະນະກວດກາພັກແຂວງ,ສະຫາຍ ດຣ ນາງ ສັງວານ ແສນສຸກ ເລຂາໜ່ວຍພັກອະນາໄມແລະສົ່ງເສີມສຸຂະພາບພາບ ,ມີຄະນະກໍາມະການກວດກາປະເມີນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ຂັ້ນແຂວງ, ຂັ້ນພະແນກ, ເລຂາ – ຮອງເລຂາ ບັນດາສະມາຊິກພັກພາຍໃນໜ່ວຍພັກ ເຂົ້າຮ່ວມ.
#ໃນກອງປະຊຸມສະຫາຍ ດຣ ນາງ ສັງວານ ແສນສຸກ ເລຂາໜ່ວຍພັກໄດ້ກ່າວເປີດກອງປະຊຸມ,ລາຍງານການກະກຽມຂັ້ນຕອນການດຳເນີນການກວດກາ – ປະເມີນ ໜ່ວຍພັກປອດໃສ, ເຂັ້ມແຂງ ໜັກແໜ້ນ. ສະຫາຍ ນາງ ຈັນທະຈອນ ເທບວົງສາ ຮອງເລຂາໜ່ວຍພັກ ,ໄດ້ຜ່ານບົດສະຫຼຸບ ການກໍ່ສ້າງໜ່ວຍພັກປອດໃສ, ເຂັ້ມ, ແຂງໜັກ ແໜ້ນປີ 2023 ແລະ ທິດທາງແຜນການ 2024. ສະຫາຍດຣ ນາງ ຈັນມີນາ ອຸດທິກອນ ປະທານກວດກາໜ່ວຍພັກໄດ້ຜ່ານບົດສໍາຫຼວດການນໍາພາລວມຂອງຄະນະໜ່ວຍພັກ. ຍົກໃຫ້ເຫັນ ດ້ານການເມືອງ,ແນວ ຄິດ,ການຈັດຕັ້ງ, ແບບແຜນວິທີນຳພາແລະ ການນຳພາປະຕິບັດໜ້າທີ່ການເມືອງ.
ໜ່ວຍພັກອະນາໄມແລະສົ່ງເສີມສຸຂະພາບສ້າງຕັ້ງຂຶ້ນໃນວັນທີ: 14/11/1919 ແມ່ນໜ່ວຍ ພັກໜຶ່ງຂຶ້ນກັບຄະນະພັກຮາກຖານພະແນກສາທາລະນະສຸກ ແຂວງຈຳປາສັກ, ມີໜ້າທີ່ໃນການສ້າງຄວາມເຂັ້ມແຂງໃຫ້ແກ່ບຸກຄະລາກອນສາທາລະນະສຸກໃນທົ່ວແຂວງເພື່ອຊຸຸກຍຸ້ໃຫ້ປະຊາຊົນບັນດາເຜົ່າເຂົ້າເຖິງການບໍລິການສາທາລະນະສຸກເຊັ່ນການຝາກທ້ອງ,ການເກີດລູກຢູ່ໂຮງໝໍ,ການວາງແຜນຄອບຄົວ,ຊຸກຍູ້ຜູ້ປົກຄອງເດັກເອົາໃຈໃນການລ້ຽງດູເດັກເພື່ອບໍ່ໃຫ້ມີເດັກຂາດສານອາຫານຕໍ່າກວ່າມາດຕະຖານ,ການໃຫ້ວັກຊິນກັນພະຍາດ,ການສ້າງບ້ານສາທາລະສຸກແບບ ຢ່າງ,ສົ່ງເສີມໃຫ້ທຸກຄົວເຮືອນໄດ້ນໍ້າໃຊ້ວິດຖ່າຍແລະນໍ້າສະອາດຢ່າງທົ່ວເຖິງ, ໜ່ວຍພັກ ອະນາໄມແລະສົ່ງເສີມສຸຂະພາບປະກອບມີ:ຄະນະໜ່ວຍພັກ: 3 ສະຫາຍ; ຍິງ 03 ສະຫາຍ.- ປະຈຸບັນສະມາຊິກພັກ ມີໜ້າຕົວຈິງ 21 ສະຫາຍ, ຍິງ 17 ສະຫາຍ, ສະມາຊິກສຳຮອງ 02 ສະຫາຍ, ຍິງ 02 ສະຫາຍ.
#ຈັດປະເພດໜ່ວຍພັກອະນາໄມແລະສົ່ງ ເສີມສຸຂະພາບ: ເປັນປະເພດແຂງ.
ໂອກາດນີ້ຜູ້ແທນກອງປະຊຸມ ແລະ ຄະນະກໍາະການກວດກາປະເມີນຜົນການສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ຂັ້ນແຂວງ, ຂັ້ນພະແນກ ກໍໄດ້ ປະກອບຄໍາເຫັນຕີລາຄາຄືນ ຕໍ່ກັບບົດສະຫຼຸບຕ່າງໆ ເພື່ອໃຫ້ມີເນື້ອໃນຄົບຖ້ວນສົມບູນ ແລະ ນໍາສະເໜີ ຄະນະພັກ – ຂັ້ນເທິງອະນຸມັດຮັບຮອງ ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ2023 ໃນໂອກາດຕໍ່ໄປ. ພິເສດ ສະຫາຍ ດຣ ວຽງສີ ສຸພັກດີ ກຳມະການພັກແຂວງ,ເລຂາຄະນະພັກຮາກຖານ ຫົວໜ້າພະແນກສາທາລະນະສຸກແຂວງກໍມີຄໍາເຫັນໂອ້ລົມຕື່ມ
#ພູວັນ ສີໂສພາ
