#ກອງປະຊຸມປຸກລະດົມວຽກງານສື່ສານເພື່ອສຸຂະພາບໃຫ້ຄະນະກຳມະການຂັ້ນເມືອງ,ກຸ່ມບ້ານ ແລະຂັ້ນບ້ານ ທີ່ ເມືອງ ໂຂງ
ກົດລີ້ງນີ້ເພື່ອເບິ່ງວິດີໂອ:https://fb.watch/s2ydvWhaws/
ກອງປະຊຸມໄດ້ເປີດຂື້ນຢູ່ທີ່ຫ້ອງປະຊຸມເມືອງ ໂຂງ ຂອງວັນທີ14/05/2024, ກອງປະຊຸມຄັ້ງນີ້ໃຫ້ກຽດເຂົ້າຮ່ວມເປັນປະທານຂອງ ດຣ ວຽງສີ ສຸພັກດີ ກຳມະການພັກແຂວງ ຫົວໜ້າພະແນກສາທາລະນະສຸກແຂວງ, ທ່ານ ຄຳສິງ ບຸນຈະເລີນ ຄະນະປະຈຳພັກເມືອງ,ຮອງເຈົ້າເມືອງໆໂຂງ, ມີບັນດາທ່ານຜູ້ແທນກອງປະຊຸມເຂົ້າຮ່ວມປະກອບມີ:ທ່ານຕ່າງໝ້າຈາກພະແນກພາຍໃນແຂວງ,ທ່ານຄະນະກຳມະການຮັກສາສຸຂະພາບຂັ້ນເມືອງ,ທ່ານເລຂາ/ຮອງເລຂາກຸ່ມບ້ານ, ຫົວໜ້າສຸກສາລາ,ທ່ານເລຂາພັກບ້ານ,ອສບ ບ້ານ , ຫົວໜ້າຂະແໜງອະນາໄມແລະ ສົ່ງເສີມສຸຂະພາບພ້ອມດ້ວຍວິຊາການສຸກຂະສຶກສາຂັ້ນແຂວງ,ພິເສດມີ ຕ່າງໝ້າອົງການອະນາໄມໂລກເຂົ້າຮ່ວມຢ່າງພ້ອມພຽງ.
#ຈຸດປະສົງຂອງກອງປະຊຸມເພື່ອລາຍງານເຖິງຄວາມ ສຳຄັນໃນການຈັດຕັ້ງປະຕິບັດວຽກງານສັກວັກຊີນກັນພະຍາດໝາກແດງໃຫຍ່-ໝາກແດງນ້ອຍ, ຄວາມອັນຕະລາຍຂອງພະຍາດໝາກແດງທີ່ມີຜົນກະທົບຫຍັງຕໍ່ສຸຂະພາບໃນເວລາຕິດເຊື້ອພະຍາດດັ່ງກ່າວ,ລາຍງານເຖິງຈຳນວນອັດຕາການປົກຄຸມການສັກວັກຊິນປ້ອງກັນພະຍາດຢູ່ພາຍໃນເມືອງໃຫ້ບັນລຸຄາດໝາຍຫຼາຍກວ່າ95%ໃນທົ່ວເມືອງຂອງຈຳນວນກຸ່ມເປົ້າໝາຍ ເດັກໃນເກນອາຍຸ 9 ເດືອນ- 59 ເດືອນ ຈຳນວນ 8 ພັນກວ່າຄົນ,
#ສະນັ້ນກອງປະຊຸມຄັ້ງນີ້ແມ່ນເພື່ອຂໍການສະໜັບສະໝູນທຸກຂັ້ນ,ທຸກພາກສ່ວນເພື່ອເກັບກໍາຂໍ້ມູນເປົ້າໝາຍ,ໂຄລະນາປະຊາສຳພັນໃຫ້ທົ່ວເຖິງຫົວໜ່ວຍຄອບຄົວຜ່ານຊ່ອງທາງຕ່າງໆເຊັ່ນ:ວິທະຍຸ,ໂທລະພາບ,ໂທລະໂຄ່ງບ້ານ, facebook ແລະ ອື່ນໆ
#ຂະບວນການສັກວັກຊີນກັນພະຍາດຈະໄດ້ຈັດຂື້ນໃນລະຫວ່າງວັນທີ 20-31ພຶດສະພາ2024ທີ່ໄກ້ຈະມາເຖິງນີ້
ຂ່າວ-ພາບ:ພະແນກສາທາລະນະສຸກແຂວງຈຳປາສັກ
![](https://www.champasakpho.gov.la/wp-content/uploads/2024/05/436458185_954296489815169_6587763761779396163_n-1.jpg)
![](https://www.champasakpho.gov.la/wp-content/uploads/2024/05/441297499_954296559815162_1718411606438849482_n-1.jpg)
![](https://www.champasakpho.gov.la/wp-content/uploads/2024/05/441512028_954296613148490_7445426431813372607_n-1.jpg)
![](https://www.champasakpho.gov.la/wp-content/uploads/2024/05/441539671_954296689815149_770685345539506525_n-1024x577.jpg)
![](https://www.champasakpho.gov.la/wp-content/uploads/2024/05/442406936_954296959815122_2400042064609257647_n-768x1024.jpg)
![](https://www.champasakpho.gov.la/wp-content/uploads/2024/05/442417297_954296883148463_5784378898007280363_n-1024x914.jpg)