#ກອງປະຊຸມສະຫຼຸບຖອດຖອນບົດຮຽນວຽກງານອາຫານ ແລະ ຢາ ແຂວງຈຳປາສັກ ປະຈຳປີ 2023 ແລະ ວາງທິດທາງແຜນການປີ 2024
ກອງປະຊຸມໄດ້ຈັດຂື້ນຢູ່ທີ່ຫ້ອງປະຊຸມພະແນກສາທາລະນະສຸກແຂວງ ຂອງວັນທີ 5 ເມສາ 2024, ໂດຍ ພາຍໄຕ້ການເຂົ້າຮ່ວມຂອງ ດຣ ຈັນສະໜອນ ທະນະບົວສີ ຮອງຫົວໜ້າພະແນກສາທາ ລະນະສຸກແຂວງ, ມີ ບັນດາທ່ານຫົວໜ້າຂະແໜງ, ຮອງຂະແໜງອ້ອມຂ້າງພະແນກສາທາລະນະສຸກແຂວງ, ມີ ຂະແໜງການຢາໂຮງໜໍຈຳປາສັກ, ທ່ານຫົວໜ້າຫ້ອງການ/ຄະນະຫ້ອງການ ພ້ອມດ້ວຍວິຊາການຮັບຜິດຊອບວຽກງານອາຫານແລະຢາ 9 ເມືອງ ແລະ ນະຄອນປາກເຊ , ບໍລິສັດ ຊີບີເອຟ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ:
#ຈຸປະສົງຂອງກອງປະຊຸມເພື່ອລາຍງານຜົນການຈັດຕັ້ງປະຕິບັດວຽກງານອາຫານ ແລະ ຢາປະຈຳປີ 2023 ພ້ອມທັງ ວາງແຜນສູ້ຊົນຄາດໜາຍປີ 2024 ເຊິ່ງວ່າການຈັດຕັ້ງປະຕິບັດວຽກງານດັ່ງການມີຫຼາຍຕົວຊີ້ວັດເປັນຕົ້ນແມ່ນ:ວຽກງານການຈັດຊື້ຢາລວມສູນໃຫ້ສະຖານທີ່ບໍລິການສາທາລະນະສຸກຂັ້ນຕ່າງໆ ຂອງລັດທົ່ວແຂວງຄາດໝາຍ 80 ສ່ວນຮ້ອຍ ປະຕິບັດໄດ້ 177,06 ສ່ວນຮ້ອຍ ເກີນແຜນທີ່ວາງໄວ້, ຈຳນວນຮ້ານຂາຍຢາເປັນວົງປິດຂອງແຕ່ລະເມືອງ, ນະຄອນປາກເຊ ໃຫ້ໄດ້ 90ສ່ວນຮ້ອຍ ສາມາດປະຕິບັດໄດ້ 87,7 ສ່ວນຮ້ອຍ,ການປີ່ນປົວສົມທົບຢາຫຼວງ-ຢາພື້ນເມືອງ ແມ່ນຈັດຕັ້ງປະຕິບັດ ໄດ້ 100 ສ່ວນຮ້ອຍໃນທົ່ວແຂວງເຊັ່ນ:ຜະລິດຢາພື້ນເມືອງ ແມ່ນ ມີ ຢາບໍາລຸງແມ່ຢູ່ກໍາໄດ້ 6,000 ຊອງ, ຢາປົວກະເພາະ 100 ຊອງ ( ຊະນິດຕົ້ມ ) .ການຕິດຕາມກວດກາໂຮງງານຜະລິດນໍ້າດື່ມ ເພື່ອຕິດຕາມຄຸນນະພາບນໍ້າຕາມແຜນ 188 ແຫ່ງ ສາມາດປະຕິບັດໄດ້ 77 ແຫ່ງ ເທົ່າກັບ 40,96ສ່ວນຮ້ອຍ, ສົ່ງຕົວຢ່າງນໍ້າດື່ມໄປວິໄຈ ແຜນການ112 ແຫ່ງ, ປະຕິບັດ 33 ແຫ່ງ ເທົ່າກັບ 29,46 ສ່ວນຮ້ອຍ, ສົ່ງຕົ່ວຢ່າງນໍ້າບາດານ ແຜນການ 10 ບໍ່ ປະຕິບັດໄດ້ 3 ບໍ່ ເທົ່າກັບ 3 ສ່ວນຮ້ອຍ, ຕົວຢ່າງກາເຟ 4 ຕົວຢ່າງ ສາມາດບັນລຸ ຮ້ອຍສ່ວນຮ້ອຍ, ວຽກງານກວດກາອາຫານສໍາເລັດຮູບ,ເຄື່ອງສໍາອາງ, ຕາມທ້ອງຕະຫຼາດ ,ຜິດລະບຽບ ຖືກກັກຢືດ ແລະ ທໍາລາຍ ຈຳນວນຄັ້ງກວດທັງໝົດ: 46 ຄັ້ງ ພົບລາບການຕ້ອງຫ້າມ 216 ລາຍການ ລວມມູນຄ່າ 89 ລ້ານກວ່າກີບ, ກວດກາອາຫານສົດໂດຍນໍາໃຊ້ຊຸດທົດສອບຂັ້ນພື້ນຖານ ຕາມທ້ອງຕະຫຼາດ ,ຜິດລະບຽບ ຖືກກັກຢືດ ແລະ ທໍາລາຍ ປະຕິບັດໄດ້ 49 ຄັ້ງ ກວດພົບ 32 ຕົວຢ່າງ ລວມມູນຄ່າ ສາມລ້ານກວ່າກີບ, ໃນການຈັດຕັ້ງປະຕິບັດວຽກງານດັ່ງກ່າວມີຫຼາຍຕົວຊີ້ທີ່ບັນລຸຄາດໝາຍ ແລະ ບາງຕົວຊີ້ວັດກໍ່ຍັງຈະຕ້ອງໄດ້ສູ້ຊົນຈັດຕັ້ງປະຕິບັດໃນສົກປີ 2024 ຕາມຄາດໝາຍສູ້ຊົນເຊັ່ນ:
1. ການຈັດຊື້ຢາລວມສູນສະຖານທີ່ບໍລິການສາທາລະນະສຸກຂັ້ນຕ່າງໆ ຂອງລັດທົ່ວແຂວງ ໃຫ້ໄດ້ 80 ສ່ວນຮ້ອຍ
2.ຮ້ານຂາຍຢາເປັນວົງປິດຂອງແຕ່ລະເມືອງ, ນະຄອນປາກເຊ ໃຫ້ໄດ້ 90 ສ່ວນຮ້ອຍ
3.ນໍາໃຊ້ຢາພື້ນເມືອງ – ຢາພື້ນເມືອງຊະນິດຕົ້້ມ ຢູ່ ໂຮງໝໍແຂວງ ໃຫ້ໄດ້ 1,000 ຊອງ/ປີ ແລະ ສະຖານທີ່ບໍລິການໂຮງໝໍຊຸມຊົນ ໃຫ້ໄດ້ 500 ຊອງ/ປີ
4. ປະຕິບັດການຈ່າຍເງິນຈັດຊື້ຢາອຸປະກອນການແພດ ໃຫ້ບໍລິສັດ ≥ 75 ສ່ວນຮ້ອຍ
5. ໂຮງງານນໍ້າດື່ມໄດ້ທະບຽນ ກອຢຂອງແຕ່ລະເມືອງ, ນະຄອນປາກເຊ ໃຫ້ໄດ້ 75 ສ່ວນຮ້ອຍ
6. ກວດກາອາຫານສໍາເລັດຮູບ ແລະ ເຄມີເຄື່ອງສໍາອາງ ຂັ້ນແຂວງ 12 ຄັ້ງ/ປີ , ຂັ້ນເມືອງ 4ຄັ້ງ/ປີ
7. ກວດກາອາຫານສົດໃຊ້ຊຸດທົດສອບໃຫ້ໄດ້ ຂັ້ນແຂວງ 12 ຄັ້ງ/ປີ , ຂັ້ນເມືອງ 2ຄັ້ງ/ປີ
8. ໃຫ້ມີຢາຈໍາເປັນພື້ນຖານ 48 ລາຍການ ພຽງພໍ ສໍາລັບໃຊ້ 30 ວັນຢູ່ສຸກສາລາ ໃຫ້ໄດ້ 85ສ່ວນຮ້ອຍ
